Ushtruesja e detyrës së presidetes, Albulena Haxhiu, ka ftuar për takim në Presidencë familjet e ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi pas aktgjykimit dënues nga Dhomat e Specializuara në Hagë.
Burime brenda Presidencës i kanë bërë me dije Televizionit Dukagjini se takimi pritet të zhvillohet gjatë kësaj jave, njofton Dukagjini.
Burimet nuk kanë dhënë detaje të tjera rreth përmbajtjes së takimit apo datës së saktë kur ai do të mbahet.
Kujtojmë se që nga shpallja e aktgjykimit sot do të mbahet nata e shtatë e protestës në sheshin “Skënderbeu” në Prishtinë teksa protesta kundër këtij aktgjykimi ka pasur edhe në disa shtete të Evropës.
Recent Comments