KB Policia e Kosovës ka vazhduar serinë e fitoreve, duke triumfuar sonte ndaj KB Fushë Kosovës me rezultat 105:79.
Kjo ndeshje kishte një domethënie të veçantë, pasi iu kushtua 24 zyrtarëve policorë që kanë rënë në detyrë.
Në shenjë nderimi dhe respekti për sakrificën e tyre, lojtarët e KB Policisë së Kosovës bartën fanella me emrat e policëve të rënë, duke përcjellë një mesazh mirënjohjeje për kontributin dhe sakrificën e tyre.
Përmes kësaj fitoreje, KB Policia e Kosovës shënoi jo vetëm një tjetër sukses në parket, por edhe një akt simbolik nderimi për 24 heronjtë e Policisë së Kosovës.
Lavdi e përjetshme 24 policëve të rënë në detyrë!
Recent Comments