Fushë Kosovë, 13 tetor 2026 – Një person i nacionalitetit serb, ndaj të cilit raportohet se kishte urdhërarrest, është arrestuar nga Policia e Kosovës në Fushë Kosovë.
Sipas burimeve të Radar Report, i njëjti dyshohet se kishte armë në një banesë në Fushë Kosovë.
Burimet e Radar Report bëjnë të ditur se arrestimi i tij është kryer pak më parë nga Policia e Kosovës.
Deri më tani, Radar Report nuk ka arritur të sigurojë informacione zyrtare lidhur me identitetin e të arrestuarit, arsyet e urdhërarrestit apo llojin e armëve që dyshohet se janë gjetur.
Radar Report do t’ju mbajë të informuar për zhvillimet e mëtejshme të këtij rasti.
Recent Comments