Prishtinë, 29 tetor 2026 – Zyra e Kryeministrit ka pranuar raportet e hollësishme nga Ministria e Drejtësisë dhe Ministria e Punëve të Brendshme lidhur me rastin e Arlinda Zekajt.
Sipas komunikatës së Qeverisë, raportet do të shqyrtohen dhe analizohen në detaje, së bashku me ministrat përkatës, me fokus në historinë dhe rrjedhën e rastit, lëshimet e mundshme, trajtimin e papërgjegjshëm, neglizhencën dhe mosreagimin, si dhe përgjegjësinë institucionale.
Qeveria ka bërë të ditur se lidhur me këtë çështje dhe veprimet e mëtejshme, zëvendëskryeministrja dhe ministrja e Drejtësisë, Donika Gërvalla-Schwarz, dhe ministri i Punëve të Brendshme, Xhelal Sveçla, do të mbajnë një konferencë të përbashkët për media.
Konferenca do të mbahet nesër, më 30 tetor, në orën 09:00, në ndërtesën e Zyrës së Kryeministrit.
Shqyrtimi i raporteve pritet të hedhë dritë mbi trajtimin institucional të rastit dhe përgjegjësitë eventuale lidhur me veprimet ose mosveprimet e institucioneve përkatëse.
Recent Comments